Suurdeeg beskuit

Hierdie is my ma se resep wat sy vir my oor die foon gegee het eendag. Nou sy maak gewoonlik haar besluit met die aartappel plantjie maar maak dit ook party keer met droe gis. Ek gebruik net die droe gis, he tnie tyd vir aartappelplantjie makery nie.

2.5kg koek meel (in Canada het ons net all-purpose flour)
8 afgeskutte teelepels droe gis op 250ml lou water
500ml suiker
3/4 pond botter
25ml of dan 2 eetlepels anys - as jy van anys in die beskuit hou
2 afgeskutte teelepels sout
750ml melk
4 eiers

Gooi die droe gis in die lou water. Laat dit staan. As die gis moet begin rys voordat jy dit gebruik. Hier in Canada het ek 2 soorte gis gesien: Fleischmann's Traditional active dry yeast en Fleischmann's Quick rise instant yeast. Ek koop die instant yeast, want die ander een staan te lank voordat dit begin. Boonop kan jy die instant yeast een aanmaak en amper onmiddelik ingooi sonder om regtig vir dit te wag. Ek laat dit net biejtie staan om seker te maak die gis werk nog.

Gooi die melk in 'n pot, gooi die suiker en botter daarin en laat smelt dit Wanneer klaar gesmelt, laat afkoel tot lou. Klits die eiers in die melk mengsel in. Gooi die suurdeeg in die melkmengsel nadat dit begin rys het. Meng die meel, sout en anys saam. Maak 'n gat in die middel en gooi die vloeistof daarin. Knie nou alles vir so plus-minus 10 minute. Die deeg moet glad en elasties wees. Jou deeg moet nog lou wees teen die tyd wat jy dit toemaak want anders het dit nie hitte om te help met die rys nie. Maak die skottel mooi toe sodat dit hitte kan hou. Omdat dit nie baie warm by my is nie, maak ek dit toe en sit dit in my spaarkamer met die deur toe en laat dit oornag staan.

So ek sal my beskuit deeg aanmaak in die aand. Dan knie ek dit die volgende oggend net so 'n bietjie . Ek smeer dan my panne met botter. Jy kan seker cook-'n-spray ook gebruik as jy wil Dan maak ek bolletjies. sit 'n biejtie botter tussen elke bolletjie. Oral waar die volgende bolletjie aan 'n ander bolletjie raak, kom so 'n klein bietjie botter. My ma het altyd 'n opgebondelde vadoek onder die agterste punt van die pan gesit sodat die pan skuins kan staan. ek neem aan dis sodat die bolletjies mooi teen mekaar insak. Ek maak ook maar so. As jy klaar is, dan klop jy 'n eier in bietjie melk en smeer die bolletjies aan die bokant daarmee met 'n kwas. Dis maar net dat die besluit daardie mooi bruin blink kop kan he agterna. Dan maak jy weer die beskuit toe en laat staan dit vir so 'n halfuur om weer te rys. Jy kan dit laat staan todat die bolletjies gerys het tot bo gelyk met die pan of jy kan jou oond op lou sit en dan die panne insit totdat die beskuit hoog genoeg gerys het en dan draai jy jou oond op na 180 grade celsius vir so 'n uur of tot mooi goud bruin bo op.

Laat afkoel en breek dan die bolleties uit mekaar. Hulle behoort mooi te deel daar waar jy die botter aangesmeer het. Jy kan die beskuit dan droog as jy wil. My man is mal oor nat beskuit. So ek sal genoeg vir een ontbyt sessie in plastiek sakkies pak en dit dan vries. Dan haal ek dit uit soos ons dit wil eet. Ek is te bang my beskuit muf, dis hoekom ek dit vries.

Baie Dankie Retha vir die recipe, ek soek nou al lank al vir die resep. En ek is seker daar nog Expats wat ook beskuit sal wil bak. Weer eers Dankie.

Until nexttime
Rina