My wiele is so bietjie pap ...

Regtig, ek jok nie, miskien is dit te veel lees by al die mooi blogs en dan sukkel ek om aan die gaan te kom. Alles gaan agteruit, my venster kan jy amper nie meer deur sien nie, en die stryk goed hoop op. Ek was en vou so 'n bietjie op waar ek kan, maar soos huiswerk is daar geen einde nie. Man ek moet erken ek het nog nooit baie van huiswerk gehou nie. Doen dit maar net omdat hier geen Agnus is nie.



Man dit was nou 'n oulikke ousie, sy het eers daar by my Takeaway gewerk en ek het haar sommer baie gelike. Ons werk van 6 uur vroeg tot6 uur laat dan is dit huistoe, kosmaak en kinders versorg. Toe raak sy mos preggies met Petrus se kinders, ja 'n tweeling. Maar sy werk nog tot ek eendag vir haar gese het"Agnus kom bly daar by my huis, dan kan jy dit mos maklikker wat en nie so te moet travel nie. En dis nou amper 7 maande jou pensie word darem lekker groot." Hulle geselse en besluit ja dis 'n plan, en toetrek sy ook sommer in. Al wat sy moet doen is skottlegoed was, kombuis skoenmaak en sien dat die honde kos en water het, en dan in die middag vir die kinders 'n broodjie maak as hulle van die skoolbus afkom.

Een aand klop sy aan die venster om my wakker te maak, en dis tyd dat ons hospital toegaan, daar trek ons twee na die mission hospital in Pinetown. Nou laat ek julle vertel, ek was nog nooit so snaaks aangekyk soos daardie dag,Nee ek jok, die dag dat Ek vir Agnus gaan haal het met die twee babies, toe mos jy sien, Wat maak die wit vrou hier?Ek dra haar tassie en sy dra babies. Na 'n paar maande besluit sy om eerder terug te trek en naby haar ma te gaan bly. Dis nog die tyd dat daar baie taxi probleme was.(so 25jaar gelede)

Weet julle daar is tog goed onder die mense, maar dinge het nou so verander daar, ek het laas gevoel ek hoort nie meer daar nie, 'n vreemdeling. Maar tog Afrika het diep spore getrap in ons harte, en wanneer ek so na YouTube kyk na wat daar aangaan, dan kry ek so 'n hartseer gevoel vir die wat agter gebly het.

Nou die post het sy eie gang geloop, glad nie soos ek vou nie, maar dis alraait so. My kleinseun kuier op die oomblik vir die 2 week skool vakansie. Ons het nou 'n routine eers moet die skape en hoenders kos kry, dan haal ons die honde se slaap jakkies af en gee hulle 'n bietjie droe kos. Dan maak ons ontbyt, vars eiers en roosterbrood. Dis net vrek koud hier, vandag het die son glad nie geskyn nie, 'n regte grys dag. Laat middag het ek vuur in die kaggel gemaak om die huis lekker warm te maak. Dan het ons nog die aftree plasie wat aandag soek .... more oggend vroeg opstaan vir werk.

Fluit fluit my storie is uit
Groete uit Australia
Rina